Italia është gjysmëfinalistja e fundit e kampionatit evropian pasi arriti të mposhtë Anglinë pas penalltive të gjuajtura me rezultat 4-2.

Në gjysmëfinale Italia do të përballet me Gjermaninë me 28 Qershor në orën 20:45.

Më sipër shikoni penalltitë ndërsa në fund të lajmit mund të shihni edhe fotot e ndeshjes.

Ndeshja

Ndeshja e fundit çerekfinale, mes Anglisë dhe Italisë, në 45 minutat e parë solli lojë të hapur dhe disa raste të mira, por rezultati mbeti pa gola. Që në minutat e para të ndeshjes, së pari Daniele De Rossi goditi për mrekulli nga largësia por goditi shtyllën, ndërsa pak minuta më vonë mbrojtësi anglez, Glan Johnson u gjet para portës së Buffonit, i cili e mbrojti topin e goditur nga Johnson.

Edhe pjesa e dytë filloi me iniciativë të futbollistëve të Italisë dhe me dy raste mjaft të mira për De Rossin, Balotellin dhe Montolivon, por pa rezultat.

Duke e parë epërsinë e italianëve në fushë dhe tërheqjen e lojtarëve të tij në mbrojtje, Roy Hodgson në minutën e 60 vendosi të bëjë dy ndryshime. Në vend të Milnerit dhe Welbeckut, ai futi në lojë dy sulmues më të avancuar, Andy Carollin dhe Theo Walkottin dhe kjo rezultoi me një baraspeshë më të madhe në fushë.

Duke shkuar nga përfundimi i 90 minutave të ndeshjes, futbollistët anglezë patën më shumë nga loja, por pa raste të mira shënimi, madje në kohën shtesë, përkatësisht në fillim të minutës së 93. Rooney pati një rast të mirë, mirëpo, gërxhorët e tij përfunduan lartë mbi portën e Buffonit.

Loja përfundoi pa gola, ndërsa edhe pasi u luajtën dy vazhdimet 15 minutëshe, rezultati mbeti i pandryshuar.